10/9/09

Se ti non estás...


Aínda que fixen todo o posible para evitar que chegara este momento, o destino quixo que fósemos por camiños diferentes. Tocoume marchar de Ortigueira coa esperanza de poder volver pero hoxe comeza un novo curso e non estou aí para vervos.
Grazas Daniel, Candela, Adrián, Pablo, Ana, Zaira, Cecilia, Yeray, Julián, Nerea, Aitana, Cristian, Erika, Ángel, Ismael, Laura e Mateo por darme tanto e por permitirme facer este blog, o noso blog.
Tamén grazas a todos os meus compañeiros/as cos que compartín experiencias inolvidables e dos que aprendín a amar esta profesión.
Espero seguir sabendo de vós e compartindo desde a distancia a vosa andadura.
Sempre vos levarei comigo.

30/6/09

¡Menuda sorpresa!





Para rematar o curso as nosas profes tíñannos preparada unha sorpresa moi, pero moi especial, a representación dun conto que nos gusta moito O coelliño branco.
¿Gustaríavos saber quen era cada persoaxe? Pois mirade o coelliño branco era a profe Susi, a cabra cabresa a profe Rocío, a profe Mar era o boi, o profe Basi o can, a profe Ana o galo, a formiga rabiga era a profe Cristina e a profe Mª del Mar o trasno que narraba o conto.
¡Como nos divertimos!
Grazas profes por ser tan xeniais.

22/6/09

Grazas peques


¡Que maiores estades! Como pasa o tempo e que rápido, ¿verdade? Gustaríame retroceder para sentir os vosos primeiros momentos no cole, as vosas lágrimas, as vosas risas, a vosa ilusión, as vosas primeiras palabras...tanto por descubrir...
Grazas por ensinarme tanto, por compartir comigo as vosas inquietudes, experiencias, medos, alegrías, dúbidas, pensamentos... e sobre todo grazas por quererme e por facer que me sentise tan especial.
Ata a próxima peques.
Biquiños.
Rocío

Concerto da Escola de Música





Para despedir o curso marchamos ó teatro a disfrutar do concerto que nos tiñan preparados os alumnos/as e profes da Escola de Música da nosa vila. Foi moi especial ver algún dos nosos compañeiros/as tocando e cantando.

¡Que gusto recibir o verán con música!

Festival fin de curso





Xunto cos nosos compañeiros/as de 4 anos B preparamos para o festival un baile moi especial, o Hocky Pocky. Disfrutamos da música movendo o noso corpo(mans, pernas, nariz, cabeza, ollos...) e cantando coa axuda das nosas profes. Despois de ensaiar con ilusión durante varios días esperábamos que o festival chegase canto antes. A indumentaria para esta ocasión foi unha gorra(laranxa, vermella, azul ou branca) na que escribimos o noso nome, unha camiseta(nas mesmas cores) e un pantalón vaquero. ¿Verdade que estábamos guapos?

Festa Italiana






O 12 de xuño celebramos unha festa italiana con motivo da visita do noso amigo Marco delle Monache. Este profesor e músico italiano amenizou a celebración tocando varias pezas co seu acordeón, o Popurri das mans, o Hocky Pocky, unha muiñeira, unha tarantella, un vals,... Desde logo disfrutamos do momento bailando cos nosos compañeiros/as e profes e desgustando produtos típicos de Italia(pasta, queixo...) e como non de Galicia(chourizo, queixo...).
¡Grazas Marco!

Nova visita de Verderolo





Verderolo, o noso amigo extraterrestre visítanos de novo para falarnos sobre o aforro de auga e o rechazo ó tabaco. Nesta ocasión disfrutamos coa súa presenza facéndolle preguntas persoais como: ¿vas al cole?, ¿tienes hermanos?, ¿cómo se llaman?, ¿cuántos años tienes?... A verdade é que foi moi amable, deu resposta a cada pregunta, regalounos unhas pegatinas e conseguimos roubarlle algún bico e algunha que outra aperta.
Esperamos que se lembre de nós e que o vindeiro curso nos visite.¡Boa viaxe Verderolo!

5/6/09

Descubrimos ós animais da Casa do Queixo




Hoxe tocounos degustar un produto que nos proporciona un dos animais da granxa, o queixo de ovella. Antes de comezar coa degustación entre todos intentamos responder a unha pregunta que nos fixo a nosa profe, aquí están os nosos comentarios:

¿Que nos proporcionan os animais da granxa?

- NEREA: QUEIXO.
- ADRIÁN: LECHE.
- CANDELA: HUEVOS.
- LAURA: LECHE.
- DANIEL: QUESO DE OVEJA, TAMBIÉN QUESO DE CABRA Y LECHE.
- ISMAEL: QUEIXO.
- PABLO: LAS OVEJAS NOS DAN QUESO DE OVEJA Y LOS SEÑORES LOS PONEN EN UNA BOLSA Y LO LLEVAN AL GADIS.
- ÁNGEL: LAS OVELLAS DAN QUEIXO.
- CECILIA: LAS SEÑORAS RECOGEN LANA DE LAS OVEJAS Y TAMBIÉN NOS DAN CARNE LOS ANIMALES Y TAMBIÉN QUESO.
- DANIEL: LANA DE OVEJA, TAMBIÉN EL CERDO NOS DA CARNE, TAMBIÉN LAS GALLINAS NOS DAN HUEVOS.
- ANA: LA VACA LECHE, LA OVEJA TAMBIÉN.
- YERAY: QUEIXO.
- LAURA: LA CABRA NOS DA LECHE.
- CRISTIAN: QUEIXO.
- ZAIRA: LECHE.
- CECILIA: LOS AVESTRUCES PONEN HUEVOS Y TAMBIÉN LOS PATOS. TAMBIÉN DAN LECHE ALGUNOS ANIMALES DE LA GRANJA.
- ERIKA: ….

¡Por certo, o queixo estaba riquísimo!

Gústanos coidar as plantas




O curso pasado iniciamos a experiencia de adentrarnos no mundo das plantas, vendo como crecen, como se cuidan, que precisan para vivir... Poidemos experimentar como a partir dunha lentella, faba ou garabanzo saía unha planta e onde poidemos ver, en fases diferentes, como lle saía a raiz, o talo, as follas...
Este curso o experimento partiu dunha folla ou rama dunha planta que os nenos/as trouxeron da súa casa. Metímolas en auga durante uns días esperando a que lles sairan as raices, para logo podelas plantar en terra e regalas.
Tódolos días ó chegar o cole gústanos mirar para as nosas plantas, para comprobar se creceron, e unha vez por semana comprobamos se necesitan auga.

Os nosos refráns e adiviñas

Despois de traballar a fondo cos contos e as receitas nos trimestres pasados, decidimos adentrarnos, neste último tramo de curso, nun novo tipo de texto, os refráns e as adiviñas. Cada neno/a, coa axuda dos pais/nais, trouxo ó cole as adiviñas e refráns que coñecían na súa casa. Fixemos unha recopilación dos textos, xogamos a adiviñar, debuxamos as solucións, intentamos averiguar palabras nos refráns incompletos... pero quixemos por en práctica o nosa creatividade e inventamos algunha adiviña como esta:
SOY CUADRADITO
SOY BLANQUITO
SI ME PINTAS
SIEMPRE ESTOY BONITO
(CANDELA)
TENGO PELO
ALREDEDOR DE LA CARA
TENGO GARRAS AFILADAS
(DANIEL)
ECHO FUEGO POR LA BOCA
TENGO DOS ALAS
Y TENGO UNA COLA
(ANGEL)
SOY AMARILLO
ESTOY EN EL CIELO
(ADRIÁN)
TENGO DOS PATAS
SOY MUY BLANQUITO
Y SALTO MUCHO
DANDO BRINCOS
(CECILIA)

¿Que vos parece? Non está nada mal, ¿verdade?

21/5/09

Os Maios








O 20 de maio celebramos na praza de Isabel II de Ortigueira a 2ª edición da festa dos Maios. Como o ano pasado participaron todos os centros educativos e sociais da vila a Galescola, o IES, Aspromor, o Centro de Maiores e como non, o noso cole. Despois de recolectar durante varios días pétalos de flores de cor amarela, branca, vermella e rosa... chegou o gran día para esparcilas e decorar xunto cos nosos compañeiros/as unha grande alfombra floral, que finalmente quedou moi vistosa e orixinal. Realizamos para a ocasión unha flor que levamos prendida na roupa e que logo quedou adornando a praza. Houbo caramelos, música tradicional, recitaron coplas, cantamos, bailamos... ¡pasámolo en grande!

Descubrimos ós animais da Casa do Queixo





Adentrámonos no mundo do animais da granxa tomando como punto de partida a visita que fixemos o pasado mes á Casa do Queixo. Iniciamos así un pequeno proxecto, o segundo que realizamos este curso, para coñecer máis de cerca algúns dos animais que vimos alí. Para obter máis información sobre a galiña, o galo, a avestruz, o poni, o cisne, o cabalo, a vaca, o can, a ovella, o porco, a cabra, o coello... trouxemos ó cole libros, contos, dvds, xoguetes, puzzles... que tiñamos na nosa casa e así compartilos cos nosos compañeiros/as.¡Que interesante nos está resultando o tema!

18/5/09

Letras Galegas




Para conmemorar o día das Letras Galegas, o venres 15, pola mañá, fomos ver unha película de animación galega, O espíritu do bosque, ó teatro. Pola tarde, falamos sobre Ramón Piñeiro, o escritor homenaxeado, disfrutamos dunhas pezas tradicionais-Remos e Patelas, Muiñeira de Toxos e Muiñeira de Chao-, grazas a algúns dos nosos compañeiros/as, e cantamos o Himno.
Ó longo de toda a semana, a nivel de aula, tamén falamos sobre algúns aspectos importantes da vida do autor, data e lugar de nacemento, obras publicadas... e estivemos aprendendo o Himno Galego coa a axuda da nosa profe... como era bastante complicado, quedámonos cunha das partes que máis nos gustou a todos... desperta do teu sono, fogar de Breogán...